ლარა იწყებს ახალ ენობრივ მოგზაურობას – მისი მოგზაურობის ამ თავში, ლარა იკვლევს რეგიონული და უმცირესობების ენების მომხიბვლელ სამყაროს. ლარა, რა თქმა უნდა ცნობისმოყვარეა და აღმოაჩენს ბევრ ენობრივ საგანძურს!
მას შემდეგ რაც ლარამ პირველი მოგზაურობისას შეიტყო ევროპის 46 ძირითადი „დიდი“ ენის შესახებ, ამ მოგზაურობის დროს ლარამ გადაწყვიტა ჩაუღრმავდეს და გამოიკვლიოს ის ენები, რომლებიც არც ისე კარგად არის ცნობილი იმ ტერიტორიების მიღმა, სადაც მათზე საუბრობენ. ზოგიერთ შემთხვევაში, ენებს, რომლებთანაც უწევს მას შეხვედრა, აქვთ რამდენიმე დიალექტი, ზოგიერთს არ აქვს სტანდარტიზებული წერილობითი ფორმა ან შეიძლება იყენებდეს სხვადასხვა დამწერლობას და რიგ შემთხვევებში მშობლიურ ენაზე მოლაპარაკეთა რაოდენობა მცირდება. თუმცა, ყველა შემთხვევაში, ენებს აქვთ საამაყო ტრადიციები და მოსაუბრეთა ძალიან თავდადებული და აქტიური ჯგუფები, რომლებიც ცდილობენ უზრუნველყონ მათი ენობრივი მემკვიდრეობის მომავალ თაობებზე გადაცემა.